Agri-Star Ayiti se yon antrepriz ayisyen ki angaje nan devlopman agrikòl ak riral atravè inovasyon, rechèch, fòmasyon, sèvis teknik ak solisyon finansye. Misyon li se sipòte pwodiktè yo, antreprenè yo ak kominote riral yo pou ogmante pwodiktivite, amelyore kalite pwodiksyon yo epi kreye opòtinite ekonomik dirab.
 

Agri-Star Ayiti devlope aktivite li yo atravè plizyè mak komèsyal espesyalize, tankou Inivè Sèl Ayiti, ki konsantre sou devlopman filyè salikòl; Akademi Inivè Sèl Ayiti, ki ofri fòmasyon, rechèch ak pwodiksyon konesans; ansanm ak Agri-Finans, ki devlope solisyon finansye pou sipòte envestisman ak antreprenarya agrikòl.
 

Vizyon Agri-Star Ayiti se vin yon referans nan devlopman agrikòl ann Ayiti ak nan Karayib la, pandan li ankouraje inovasyon, transfè konesans ak devlopman dirab.